قوه شلونكم شخباركم
يوم الخميس 3/11/2011 رحنا فيلجا مع اهلي اختي تشتغل بنك برقان وكانت حاجزه من سنه بهالتاريخ سبحان الله الجو حلو وقتها هم حلو قبل العيد
طبعا احنا اول مره نروح فيلجا من ٣ سنين واحنا نقول بنروح فيلجا ويومنا عن ٣ سنين والحمدالله صارت واخيرا رحنا
المشكله كانت العايله الكريمه كلها بتروح بس هونوا نصهم والي بقي اهلي بدون اخوي وخالتي
قبلها بجم يوم ابوي راح حجز بالعباره البطيئه مع سيارتنا
سعر السياره ٢٠ دينار والشخص الواحد ٣ دنانير ومدتها ساعه و ٤٥ دقيقه ونحط كل شي بالسياره واذا بدون سياره بيدنا الي نبي وتطلع من راس الارض الي يم شوبيز
العباره السريعه روحه ورده مع وجبه ودخول متحف الكبير ١٦ دينار والصغار ٨ دنانير ومدتها ٤٥ دقيقه بس ما تاخذون شي معاكم بس جنطه وزنها ١٥ كيلو وبدون اكل
وصلنا صوب المسنا وننطر دورنا في عبارتين الخيران تكون صغيره والثانيه ما لقطت اسمها تكون كبيره
الكبيره وايد احلى
هذي الدشه اول شي
هذي العباره الصغيره
هذي عبارتنا سيارتنا الذهبيه اول وحده
الكويت من بعيد
اول ما تبطل العباره بوابه فيلجا
المنتجع
قشنا
بيتنا يم بقاله
هذا بيتنا
الحين الصور من الداخل طبعا البيت هذا غير عن الفندق بالاثاث لان ملك البنك ومغيرين بالاثاث يكون اكثر
البيت عباره عن ٣ غرف نوم الاولى ماستر حق اثنين وتكرمون الحمام داخل والاثنتين فيها ٣ اسره يعني الشاليه يشيل ٨
مطبخ مجهز كامل والشاليه العادي بس ثلاجه وغلايه
صاله فيها حمام داخلها وفي حمام خارجي
من فوق السطح
واهني مرافق المنتجع
حمام سباحه
العاب يوم البحار بس محد يدزنا احنا ندز نفسنا
طبعا اسم سفاري ماكو شي
حديقه الحيوان بس فيها غزال ودياي
علي قولت اختي بحيره زلمسي
اهني وكلنا البط وطبعا البط دفاشه قاموا يركضون ورانا جان نزلهم بالبحيره ومشيناهم لي عند امي
في متحف قصر الشيخ عبدالله السالم يتكلم عن الكويت اول وهم في اثاثه اهوه
اول ما ندش هالانسان باستقبالنا طبعا كل من يدش يخترع عبالنا صجي وبعدين نستوعب
اهني اختي الكبيره سوت دقه باختي الصغيره نخشت ورا الام وابو العروس وقبل لا ندش اختي الصغيره واول مادشت جان تخرعها واختي الصغيره خوافه نقزت نقزه كانت بتنسدح بالفراش بس قالت اخاف ينكسر او شي شكله قديم لو منسدحه جان وقف قلب اختي
اهني غرفه كل حاكم حكم الكويت ونبذه عنه حتي الشيخ صباح حاطينا بس ما قدرت اصور لان الغرفه ضيجه
هذي عربه الشيخ عبدالله السالم مو مبطلينها
بير
لبس الغوص جنه المايوه الاسلامي
"يمشي علي الدانه القبقب :P "
اكثر شي حبيته القواطي فديته
ملعب قولف صغير
اسماي البيوت تونس يعني بيت الطرشي بيت بلاع البيزه وفي موتيل عباره عن ٦ غرفه اسمه صالحه البنيه
بس هالاسم مادري ليش خرعني
وفي ملعب كره وسله وفيه مدرجات للتشجييع
طلعنا نحوس بره ونلقا بالصدفه متحف حربي
وهم بنك من ايام الغزو وفيه خزنه للي ما شاف خزنه البنك اهيه جذي
ابوي انخش بالخزنه وبخرعنا بس جكيناه والمكان ظلمه بس الفلاش منور
في شاطئ اسمه الوناسه بس ابد ما يونس بس في تاجير جتات
في قعده علي البحر فيها شيشه ونيب اكل من اي مكان
ريوقنا اول يوم كان مشلتت واليوم الي وراه صاج
في باسكن روبنز بعد اونس المطاعم دار مدارنا واكلهم زين مو واو والاكل الي خذيناها ماكليناه رديناه
بالرده شفنا العباره الصغيره بس مو زينه هم تشيل سيايير بس ماكو مكان نقعد والاطراف مرتفعه ما ايي لنا هوا
وكلها هنود الي يايين جذي بدون شي
واخر شي اذا بتروحون بالعباره مع السياره قولوا للكابتن يخلي سيارتكم علي الجنب مو بالنص او مو اول شي احسن تقعدون بالسياره وشرح المكان
هذا موقعهم في اشياء زياده
No comments:
Post a Comment